Ақтөбеде алимент төлеуге мүмкіндігі жоқ азаматтарға арналған бос орындар жәрмеңкесі өтті

Қаладағы берешегі бар борышкерлерге бос жұмыс орындар жәрмеңкесі өтті. Шараны қала прокуратурасы мен қалалық "Мансап" орталығы ұйымдастырған. Жұмыссыздар, алимент төлемей, өзге де борышын өтемегендер, пробация қызметінде есепте тұрғандар жұмыс іздеп келді. Жәрмеңкеге 10-нан астам жұмыс беруші қатысты. Инженер, өндірістік технолог, жүргізуші, экономист, теміржол монтері, дәнекерлеуші мамандары қажет. Сұраныстағы бос орындардың дені - жұмысшы мамандықтар. Жалақысы жоғары, түрлі жеңілдіктер мен қосымша көмектері бар жұмыстар да ұсынылды. Жәрмеңке кеше басталған. Алғашқы күні 192 адамға жолдама берілді. Жолдамадан бас тартқандар да бар.
Бос жұмыс орындары туралы ақпарат электронды еңбек биржасында жарияланады. Бүгінге дейін порталда 1 мыңға жуық бос жұмыс орыны салынған. 8150 адам жұмысқа орналастырылған.

Количество показов: 153
Дата создания: 26.02.2025 08:15:38