Ақтөбеде алғашқы әскери дайындық пәні оқытушыларына арналған семинар өтті
Бүгінде алғашқы әскери дайындықтан сабақ беретін әр мұғалім мектептің әскери-патриоттық клубының басшысы десек те болады. Пән мұғалімдері мен әскери жетекшілер әдістемелік тәжірибе жинап, білім көкжиектерін кеңейтті. Әрбір оқушы әскери мағлұматты бірінші мұғалімінен алатыны белгілі. Сондықтан пән мұғалімдеріне ерекше назар аударылу керек.Аталмыш институтта өткен әдістемелік сабақтар - ұстаздардың білімі мен тәжірибесін байытудағы алғашқы қадамдар. Бұл оқушылар арасында әскери патриотизмді арттыруға бірден-бір ықпал. Сондай-ақ, семинар барысында 2024 жылдың қорытындысы жасалды. Алғашқы әскери дайындық пәнінің үздік 7 мұғалімі іріктеліп, марапатталды.
Бүгін тәжірибе жинауға қала мектептерінен 98 мұғалім келді. Олар білім жинап қана қоймай, атыс қаруларын меңгеріп, аталмыш институттың материалдық базаларымен танысты. Алған білімдерін тәжірибе жүзінде іске асырды. Мұндай іс-шаралар педагогтердің біліктілігін арттырып қана қоймай, өскелең ұрпақтың санасын сілкіндіріп, патриоттық рухын күшейтумен де маңызды. Бөлім басшылығы жастарды патриоттық рухта тәрбиелеу ісінде ұстаздармен бірлесіп жұмыс істеуге әрқашан да дайын.
Количество показов: 191
Дата создания: 27.02.2025 15:20:00
