Ақтөбе жолдарының сапасы қандай?

Аймақтағы автожолдардың сапасы қазір көңіл көншітерлік. Жол сапасын тексеруші мамандар осындай баға берді. Жаңадан салынған тас жолдардан былтыр 100-ден астам ақау анықталған. 80-нен астамы уақытында жөнделіпті. Бұл туралы бүгін облыстағы Жол активтері сапасының ұлттық орталығының өкілдері айтып берді. Ақтөбе автожол колледжінде өткен шараға студенттер, аудандар мен облыс орталығындағы жолға жауапты мамандар қатысты. Былтыр респбуликалық, облыстық және аудандық маңызы бар жолдарда 500-ге жуық тексеріс жүргізілген. Жол-құрылыс материалдарының сапасына сараптама жүргізіп, жолдарды диагностикалаған. Жаңа технологиялар енгізілген. "Мердігер мекемелерден тек сапалы жолды ғана сұраймыз" дейді Талғат Бижанов. Ал, Ақтөбе автожол колледжінде жыл сайын техник-құрылысшы мамандығын 25 жас аяқтап шығады. Түлектердің басым бөлігі аймақтағы жол құрылысы мекемелерінде қызметте.
Дуалды білім беру жүйесі арқылы 2-3 курстан бастап жұмыс жасайды. Қазір колледж студенттері "Астана дорстрой", "Ақтөбе жол сервис" мекемелерінде өндірістік тәжірибеден өтіп жатыр. Биылғы "Жұмысшы мамандықтар жылы", оған қоса "Жас маман" бағдарламасы аясында тәлімгер Әкімжан Өтемұратов білім ордасындағы қажетті құралдармен толығып, білім беру сапасын арттырсақ деген тілек білдірді.

Количество показов: 194
Дата создания: 18.02.2025 10:16:04