Бүтін ел бойынша бүгін "Салауатты әдеттер марафоны" өтті. Ақтөбеде республикалық акцияны облыстық денсаулық сақтау басқармасы, облыстық полиция департаменті мен үкіметтік емес ұйымдар қолдады. Тұңғыш президент атындағы орталық саябақта марафон салтанатпен ашылды.
Бұл ауқымды шараға қаладағы ЖОО, колледждердің студенттері жұмылдырылды. Шығармашыл, спортшы, белсенді жастар замандастарын теріс әдеттерден аулақ болуға үндеді. Акция барысында саябақта "Есірткісіз өмір" тақырыбына балалар арасында сурет байқауы өтті. Жиналғандар концерттік бағдарлама, "Тарлан" колледжінің студенттері әзірлеген театрландырылған қойылымды және облыстық полиция департаменті атынан иіс сезгіш иттердің машықтарын тамашалады.