Жергілікті футбол командасының сапы жаңа маусымда алты ойыншымен толықты. Бүгін клуб басшылығы жанкүйерлеріне жаңа ойыншыларын таныстырып, жейделерін тапсырды. Қаладағы ірі ойын-сауық орталықтарының бірінде өткізілген шараға жиналғандар санында шек жоқ. Тіпті, алып сауда үйінің өзі тарлық етті. Биыл ақ-қызылдылардың намысын қорғайтын футболшылар арасында белді бразилиялық ойыншылар да бар. Естеріңізге салсақ, өңір басшысы Архимед Мұхамбетов командаға үлкен міндеттер жүктеді. Ел чемпионатының бірінші айналымында үздік алтылыққа ену қажеттігін айтты.  Биылғы маусым "Ақтөбе" үшін жаман басталған жоқ. Суперкубокты қанжығалады. Сенбіде жергілікті команда өз алаңындағы биылғы маусымдағы алғашқы ойынын өткізеді. Семейдің "Спартагын" қабылдайды.