Алғаш рет қалада жасанды зәулім шырша орнатылып жатыр. Құрылысы 26 желтоқсанда аяқталуы тиіс. Шыршаның темір қаңқасы ақтөбелік кәсіпорындардың бірінде дайындалған. Ал екі мыңнан астам бөліктен тұратын жасыл қаптамасы ойыншықтарымен бірге Қытайдан сатып алынған. Шыршаның биіктігі 30, ені 13 метр. Бұл облыстағы ең биік, әрі ең қымбат жасанды шырша болмақ. Биіктігі 30, ені 13 метр шырша 8 миллион теңе тұрады. Құрылысы толық аяқталған соң шыршаның басына биіктігі бір жарым метрлік жұлдызшасы орнатылатын болады. Ойыншықтар электр қуатына жалғанып, күндіз де, түнде де жанып-сөніп, айналаға сәуле шашып тұрады. Бұл қалалық әкімдік тарапынан қондырылып жатқан төртінші шырша. Өзгелері қазір тұңғыш президент атындағы орталық саябақ, сулы-жасыл гүлзар, әуежай алдындағы алаңның сәнін келтіріп тұр. Зәулім шырша 26-желтоқсанда безендіріліп болуы тиіс.