31-қаңтар - халықаралық зергерлер күні

31-қаңтар - халықаралық зергерлер күні. Ерте заманда пайда болған кәсіп қазір де сұранысқа ие. Қиялы мен қолы қатар ұштасқан шеберлер түрлі металдан өрнек өреді. Біздің заманымызға дейін 3-2 ші ғасырларда алғаш зергерлік бұйымдар туындаған. Ежелгі Грекия мен Египет - зергерлік өнердің Отаны деп танылды. Ал, қазақ зергерлігінің жоғары деңгейге көтерілген кезі 18-19 ғасыр дейді ақтөбелік зергер. Болат Атыраубаев - Ақтөбеден өзге де өңірлерге танымал шебер. Күміс, алтын, түрлі тастармен көмкерілген бұйымдар жасайды. Зергер қазақ зергерлігінің тарихын айтып берді. Ертеде ағаштан, аңдардың азу тістерінен жасалған бұйымдарды ұсталар қазір түрлі технологияның көмегімен әзірлейді. Бір бұйымның бірнеше данасын жасамайтын зергер ертедегідей ескі құралдарды ғана пайдаланады екен. Зергерлік бұйымға халықта сұраныс көп. Бәсекелестер де аз емес. Қазір қазақи нақыштағы бұйымдар дүкен сөрелерігде толып тұр. Әйтсе де, тұтынушылар сапалы, авторлық дүние сұрайды. Қала тұрғындары да зергерлік дүниенің бағасы емес, сапасы маңзды дегенді растап отыр.
Болат Атыраубаев бір киіп тастайтын дүние жасамамын дейді. Ұрпақтан ұрпаққа мұра болып қалатын зергерлік бұйымдарды көбінесе күмістен соғады. Тазалық, тіл-көзден сақтану, эстетикалық дәрежені білдіру үшін ертеден келе жатқан метал. Алтын да, жергілікті табиғи тастар да пайдаланады. Алайда, көрпесіне қарай көсілетіндер де көп.Күміс бұйымдардың бағасы шамамен 10-15 мыңнан басталады.

Количество показов: 317
Дата создания: 01.02.2025 08:36:17