Т. Бигелдинов атындағы әуе қорғанысы күштері әскери институтын биыл 167 түлек тәмамдады. Олар сенбі күні қолдарына дипломдарын алды. Салтанатты шараға Астанадан арнайы келген ҚР Қорғаныс министрінің орынбасары Бақытжан Әбдірайым қатысты. Балаларының диплом алар сәтіне ата-аналары мен туған-тустары да куә болды. Әскери оқу орнын бітірушілерге лейтенант шені берілді. Кеуде белгісі мен оқуды үздік аяқтаған алты түлекке дипломдарын ҚР Қорғаныс министрінің орынбасары табыстады. Вице-министр ҚР Қорғаныс министрі Әділбек Жақсыбековтің құттықтауын жеткізді. Әуе қорғаныс күштері әскери институтын бітірушілер арасында 3 Қырғызстан және 2 Тәжікстан азаматы бар. Олар ұжымдық қауіпсіздік келісімшартын ұйымдастыру бағдарламасы негізінде білім алды. Жас мамандар жолдама бойынша әскери қызметтерге орналасады