құтқарушылар дайындықтарын пысықтады.

№4 - ші орта мектепте өрт қауіпсіздігінің алдын алуға арналған оқу - жаттығу жиыны дабыл қағумен басталды. 200 - ден астам оқушы арнайы тәртіппен эвакуацияланып, сыртқа шығарылды. Белгілі болғандай өрт мектептің 1 - ші қабатындағы кітапханадан шыққан. Құтқарушылардың көмегімен өрт кезінде мектеп ішінде қалып қойған оқушы құтқарылып, оған медициналық көмек көрсетілді. Сондай - ақ, автосатының көмегімен 1 оқушы мектептің 2 қабатындағы терезеден шығарылды.Тактикалық арнайы оқу - жаттығу жиынына 3 бірлік өрт сөндіру техникасы мен 10 құтқарушы жұмылдырылды. Эвакуациялау жұмыстары 15 минутқа созылды.Қалалық ТЖД басқармасының ұйымдастыруымен қыркүйек айының 25 - і мен 29 - ы аралығында қаладағы барлық мектептерде өрт қауіпсіздігінің алдын алуға арналған тактикалық жиындар өтеді. Кешеден бастап дәл осындай сақтық шаралары қаламыздың №1 - ші, 2 - ші, 3 - і мен 5 - ші мектептерінде өткен. Сондай - ақ, бұндай дайындық шаралары колледждер мен жоғары оқу орындарында өтетін болады.
Количество показов: 348
Дата создания: 27.09.2023 00:13:15