«Ұрпағына өнегелі жол көрсеткен»
Ақжаулықты әжей 19 жасында тұрмыс құрған. Көп балалы ана Алтын алқа иегері, ұлттық тағам және қолөнер шебері, 14 құрсақ көтерген. Қазір 5 ұлы мен 4 қызы бар. 21 немере, 57 шөбере, 12 жиеннің әжесі. Кейуананың тұрмыстағы бақыты ұзаққа созылмаған. 36 жасында жесір атанған ол балаларын қанаттыға қақтырмай, тұмсықтыға шоқыттырмай өсіреді. Ол кезде балаларының алды 9 сыныпта оқыса, кенжесі 7 айлық болыпты. Әжей ұзақ өмір сүру құпиясымен де бөлісті. Қарияның айтуынша, көбірек қимылдап, үнемі жақсы ойда болу керек. Жолдасынан айырылған соң 2 сағаттық ұйқымен күндіз-түні еңбек еткен. Әрі қолөнер шебері, ою ойып, кілем тоқумен де айналысқан. Әлі күнге дейін тігін тігеді. Балаларым да өзім секілді еңбекқор, деп мақтанады. Бибіжан Оңғарова алғаш рет 43 жасында келін түсіріп, ерте ене атанған. Ырысты Ербөлекова әулеттің алғашқы келіні. Кейуана ол кездері жас болса да дана әрі сабырлы ене бола білді деп бөліседі келіні. Бүгінгі кеште Бибіжан әженің еліне жасаған қызметі мен тәлімді тәрбиесі аталып өтті. Бұл көпке өнеге. Әрі қазақ әжелерінің қазіргі бейнесі. Бибіжан әженің ұрпақ тәрбиесі мен ұлттық қолөнерге қосқан зор үлесі қашан да құнды.Количество показов: 106
Дата создания: 02.03.2025 09:03:16
