Өңірде қант тапшылығы жоқ. Тұрақтандыру қорында кемінде 1 айға жететін қант қоры бар. Облыстық кәсіпкерлік басқармасында қала дүкендерінде қант жетіспей жатқандығы жөніндегі ақпаратты жоққа шығарды. Сондай-ақ, ақтөбеліктерге жалған ақпаратқа сеніп, жаппай қант сатып алуды доғаруға кеңес берді. Қазіргі таңда Ресей елінен қант жеткізілмеуіне байланысты баға күрт өсті. Ірі сауда желілерінде қанттың келісі 368 теңгеден сатылып жатыр.
Елімізде қант Алматы және Жамбыл облыстарында өндіріледі. Алайда, бұл кәсіпорындар республика халқының сұранысын түгел қанағаттандыра алмайды. Сондықтан, шекер Ресей мен Беларусь елдерінен импортталады. Алайда, қазір Ресей қант пен ұн экспортын тоқтатып қойды. Сондықтан, елімізге қант тек Беларусь мемлекетінен жеткізіледі. Кәсіпкерлік басқармасы басшысының мәліметінше, біздің өңірге жуырда 10 вагон - 600 тонна қант жеткізледі. Сонымен қатар, тұрақтандыру қорында 200 тоннадан астам қант бар. Сондықтан, ақтөбеліктерге қант тапшылығы орын алады деп алаңдауға еш негіз жоқ.