Өңірді көгілдір отынмен қамту мәселесі әрдайым өзекті
Аймақта барлығы 319 елді мекен бар. Ал, ауыз сумен 290-нан астам ауыл қамтылған. 28 елді-мекен су ұңғымаларын қолданады. Бұл туралы өңір басшысы Асхат Шахаровтың төрағалығымен өткен аппарат мәжілісінде айтылды. Жиында ауылдық елді мекендерді көгілдір отынмен және ауыз сумен қамту мәселелері қаралды. Биыл 302 елді мекенге су тарту көзделген. Жүзеге асса аймақ халқының 94,7 пайызы ауыз сумен қамтылады. Ал, қала тұрғындарын сумен жабдықтау үшін "Сарыбұлақ" және "Моисеев" сорғы станцияларын салу бойынша екі ірі жоба әзірленіп, республикалық бюджеттен қаржыландыруға жіберілді. Жобалар іске асса, қала тәулігіне қосымша 70 000 шаршы метр сумен толығады. Тұрғын алаптарды сумен жабдықтау мәселесі шешіледі, дейді Асхат Шахаров. Облыс орталығында кей су құбыры желілері тозған. Мәселені шешу үшін 13 жоба жүзеге асырылады. Бұдан өзге, "Ақтөбе су энерджи групп" АҚ 12,2 шақырым су құбыры желілерін қайта жаңартады. Ал, аудандарда ауыз су тартуға арналған жобалар аяқсыз қалып отыр. Әйтеке би ауданындағы Аққұм мен Ұлғайсын ауылдарында 2020-2021 жылдары басталған шаруа аяқталмай, мердігер мекеме сотқа берілді.Су мәселесі халықтың бақылауында. Осылай деген облыс әкімі 2020 жылдары басталған жобаларды шұғыл аяқтауды тапсырды. Энергетика және тұрғын үй-коммуналдық шаруашылық басқармасына басталған жобаларды бақылауды міндеттеді. Ал, биыл өңірде 23 ауылға көгілдір отын тартылады. Оның 172-сі, яғни, 53 пайыздан астамы газдандырылған. Былтыр облыста ауылдарға көгілдір отын жүргізу бойынша 21 жобаның 8-і толық аяқталды. Қалған 13 жоба осы жылы жалғасады. "ҚазақГаз АЙмақ" инвестициялық бағдарламасы аясында Мұғалжар ауданы Қожасай ауылын газдандыру жұмыстары аяқталады. Энергетика және тұрғын үй-коммуналдық шаруашылық басқармасының басшысы Арысұлан Айтбаевтың сөзінше, жуырда 2 жарым мыңнан астам тұрғыны бар 6 ауылға газ жүргізіледі. Былтыр жыл соңында шаһарда магистральдық газ құбырының 3-тізбегінің құрылысы аяқталған. Қазір құбырдың учаскелерін толтыру, қысымына келтіру жұмыстары жүріп жатыр. Қала қосымша табиғи газбен қамтылады.
Количество показов: 326
Дата создания: 29.01.2025 07:34:37
