"Қауіпсіз дөңгелек"

Оқушыларды жол қозғалысы ережелерін сақтап, сақ жүруге үйрету қаламызда қарқынды жүріп жатыр. Бүгін "Қауіпсіз дөңгелек” жол қозғалысы жас инспекторлар байқауы өтті. Шаһардың 14 мектебінен 150 оқушы өнер көрсетті. 7-8 сынып білім алушылары. Қалалық оқушылар сарайында өткен шараға қалалық полиция департаменті қолдау білдірді.
Қаздай тізіліп, сап түзеген жеткіншектер "Саптық жүру" бойынша пәрмендер көрсетіп, жол қозғалысы ережелерін насихаттады. Саптық әндер шырқады. Білім ошақтарында үйренген әдіс-тәсілдерін көрсетті. Бір топта 9 оқушы. Байқау шарты бойынша 5 ұл, 4 қыз таңдалған. Жас инспекторлар байқауының "Біз полицияның жас көмекшілеріміз!" үгіт бригадасы бөлімінде болашаққа көзқарастарын насихаттап сайысады. Тәртіп пен жауапкершілікті ұстанып, өзгеге үлгі болуға шақырады. Сайысқа қатысушылардың өнерін қалалық полиция департаментінің мамандары бағалап, жеңімпаздар арнайы дипломдармен марапатталды.

Количество показов: 337
Дата создания: 31.01.2025 00:57:54