Ақтөбеде құмай тазылардың көрмесі өтті.

Қалада өткен қазақы тазылар көрмесіне 100 ге тарта ит қатысты. Бұл жарысқа облыстың барлық аудандарынан үміткерлер тазы иттерін қосқан. «Құмай тазы» федерациясының жетекшілері қазақы тазылардың тұқымын сақтап қалу үшін осындай шаралар үзбей өткізіліп тұруы тиіс,- дейді. Қазақы тазы жанашырлары былтыр күзде аңшылармен бірігіп, «Сабурын» өткізген болатын. Өйткені өңірімізде қазақы тазы баптаушылар саны көбейген. Дегенмен құмай тазылар жарыстарын өткізіп тұруға да демеушілер керек, дейді шараны ұйымдастырушылар. Бұл жолы көрмеге Астана мен Алматыдан арнайы кинолог мамандар шақырылыпты. Кәсіби сарапшылар тазылардың дене бітімін, тісі мен тырнағын зерттеп, қан тазалығына дейін назар аударған. Талапқа сай келген қазақы тазыларға ғана арнайы құжаттар берілді. Осы көрмеде жақсы баға алған тазылар ғана халықаралық иттер көрмесіне қатыса алады.
Количество показов: 343
Дата создания: 12.03.2024 00:56:58