Бүгін № 24 бағыттағы жолаушылар автобусы "Газель" жүк көлігімен соқтығысып қалды. Жол апаты сағат ондар шамасында Марьесев көшесіндегі № 1-ші қалалық аурухананың қақ алдында орын алды. Абырой болғанда, зардап шеккен жолаушылар жоқ. Екі жолақты тар көшеде соқтығысып тұрып алған үлкен көліктер машиналардың өтуіне кедергі келтіріп, кептеліс қалыптасты. Автобустың жүргізушісі сұхбат беруден бас тартқанымен, апатқа кінәлі "Газельдің" жүргізушісі екендігін жасырмады. Белгілі болғандай, озып өтпекші болған жүк көлігі, әп-сәтте жолай тоқтатқан жолаушыны мінгізіп алмақшы болған автобусты түйіпті. Ал, кінәлі жүргізуші бұл жерде аялдаманың жоқ екендігін, көшенің тарлығына қарамай ауруханаға келгендер көліктерін қойып кететіндерін айтып ақталды.