Қалада жазда сая, қыста пана болатын аялдама жетіспейді

"Аялдама- Жанға шуақ жайылған баяу ғана". Әдемі әннің сөзін өзгертсек қаладағы аялдамалар жайында айтуға болады. Дегенмен, Алматы ауданының көшелеріндегі кейбір аялдамалар жанға шуақ бола алмай тұр. Дамып келе жатқан алып шаһарымызда кейбір аялдамалар талапқа сай емес. Жазда сая, қыста пана болатын аялдама керек, дейді ақтөбеліктер.Былтыр қала бойынша 54 аялдама жаңартылған. Дегенмен, жауаптылар бұзақылармен күресіп әлек. Салынған аялдамалардың түгін қалдырмай сындырып кететін вандалдар бар. Сынған дүниені қалыпқа келтіру үшін арнайы материал керек. Мұндай қалың әйнекке тапсырыс береміз, дейді билік өкілдері. Ал, бір аялдаманың шығыны 2-2,5 млн теңге. Қалада сау тамтығы қалмаған павильондар да бар екен. Осы орайда жауаптылар тұрғындарды бұзақылыққа бармауға шақырады. Тіршіліктің көзі сабылысқан уақыт пен қыстың қақаған күнінде аялдамалар әлі тапшы. Аты болғанымен заты жоқ.Үйдей аялдама көрінбеген соң ба әлде, жолаушылар болмаған соң ба автобус жүргізушілері де тоқтамай өтіп кетеді екен. Дегенмен, биыл автобустардың тоқтауына ыңғайлы болуы үшін 30 қалташа мен 50 аялдама жаңартылмақ.
Тұрғын үй коммуналдық шаруашылығының мамандары болашақта қаладағы 790 аялдама өзгеретінін жеткізді. Дәлірек айтқанда қыста жылы, жазда салқын болатындай ету көзделіп отыр. Әзірге ол қағаз жүзінде ғана жоспарланған.

Количество показов: 221
Дата создания: 15.02.2025 09:59:38