Студенттер кәсіпкерлікті меңгеруде
 | Кәсіп ашудың негізі қаржы емес - тың идея. Бүгін "Жас кәсіпкер" жаңа жобасын студенттер қауымына таныстырған жастар мәслихаты өкілдері жиналғандарға осыны түсіндіруге тырысты. Болашақта өз кәсібін ашуды көксеген студенттер жоба аясында дәріс алып, арнайы сертификатқа қол жеткізбек. Болашақта өз кәсібін ашқысы келетін Ақтөбе жастарына "Жас кәсіпкер" деп аталатын жаңа жобаны қалалық жастар мәслихаты өкілдері таныстырды. Жобаны қалалық мәслихат депутаттары құптаған. Ең бастысы тың идеялар іріктеледі. "Дастан" бизнес орталығында бас қосқан студенттер қауымына жобаның мақсаты мен жүзеге асырылуы төңірегінде ақпарат берілді. Әлеуметтік желілер арқылы кәсіпкерлікке баулу мақсатындағы жобамен атүсті таныс жастардың кейбірі ақындық қасиетімді шыңдаймын деп келіпті. Сондықтан жоба аясында кәсіпкерлікті үйренгісі келетіндер ең алдымен анкеталық сұрақтарға жауап береді. Екінші іріктеу кезеңі - әңгімелесу түрінде өтеді. Үміткердің идеясы көңілден шыққан жағдайда семинар - тренингке қатысуға мүмкіндік беріледі. Бес күн бойы жастар кәсіп ашу, салық міндеттемелері туралы дәріс тыңдайды. |
Количество показов: 2305
Дата создания: 22.11.2012 18:59:36
