Нашақорлық- құрдымға бастар жол
Есірткі заттары - денсаулыққа зиянын тигізіп қана қоймай, адамның жеке тұлғасына нұқсан келтіреді. Қазір есірткі қолдану жастардың бос уақытындағы айналысар ермегіне айналғандай. Ал бұл- болашақ зардабы.Бүгін «Облыстық жастар ресурстық орталығы» , «Ақтөбе облысының білім басқармасы» және Қ.Жұбанов атындағы Ақтөбе өңірлік университеті жастарға «ЗАКЛАДКА» бейнеролигін ұсынды. Шараға жоғары және арнаулы оқу орындарының студенттері және жалпы білім беретін ұйымның оқушылары қатысты.Бүгінде нашақорлық тақырыбы көп қозғалады. Нашақорлық - қоғам дерті, ғасыр індеттерінің бірі болып отыр. Бүгінгі ұйымдастырылған іс шара да бейнеролик арқылы жастарға есірткі сатып, пайда табам деушілердің темір торға тоғытылғаны жөнінде. Бұл шынайы өмірде болып жатқан оқиға. Ұйымдастырушылардың айтуынша, біз жастардың зиянды әдеттен аулақ болып, тұлға болып қалыптасуға, отбасы құндылығына әсері және болашақта тек биік шындарды бағындырып, еліміздің туын көкке көтеретін азамат болуына дұрыс бағыт-бағдар беру. Себебі- болашақ жастардың құзіретінде. Сондықтан жастарымыздың денсаулығы сау, білімді болғаны абзал.Нашақорлық – әлемді алаңдатып отырған өзекті мәселенің бірі. Есті алатын есірткі заттарына тәуелділік талай жанның тағдырын талқан еткенін көріп, біліп жүрміз. Өкініштісі, жаман әдетпен әуестенген бір адамның зауалы бүкіл отбасына, жақындарына теріс әсер етеді. "Ортаңды дұрыста" деп бекер айтылмаса керек. Жастықпен ойнап-күліп, бәрінің дәмін татам деп жүргенде, қисық жолға түсіп кетіп жатқан жалындаған жастарымыз қаншама.Количество показов: 70
Дата создания: 20.11.2024 06:40:44
