Кибер алаяқтардан сақ болыңыз!

Сәлеметсіз бе?! Мен қалалық полицияның тергеу бөлімінен ха­бар­ласып тұрмын. Сізге жеке басыңызға төнген қауіптің алдын алу мақсатында телефон соғып тұрмын. Тұтқаның ар жағынан осы сөздерді естесеңіз, дереу тұтқаны қойыңыз. Бұл-кибер алаяқ. «Полиция», «тергеуші» деген сөздерді естігенде кез келген адамның алғашында абдырап қалатыны даусыз. Оның үс­тіне әлеуметтік желі арқылы сіз туралы бүкіл мәліметке қол жет­кізіп алып, телефонның ар жа­ғынан «жанашырлық» танытып отыр­ған «ішкі істер органының қыз­меткеріне» деген сенімнің қы­лаң беретіні де анық. Телефон алаяқ­тарының құрығына түсу осындай тілдесуден басталады, дейді инспектор. Күнделікті өмірімізді ақпараттық технологиясыз елестету қиын.Бұл жетістіктер-кибер-қылмысқа да жол ашты. Оның ішінде интернет алаяқтары гүрлеп тұр. Әккілер қара­пайым халықтың сеніміне кірудің сан-түрлі тәсілін құбылтып, ақыр соңында олардың қаражатына қол сұғып, көпе көрінеу орасан ұрлық жасап жүр. Ал соңғы кез­де құрбандарына ұялы телефон операторы ретінде хабарласып та жүр. Тосыннан соғылған телефон қоңырауына иланып, қаржы­лық тұзаққа түсіп қалмаңыз. Полицейлердің айтары осы. Мұндай сәт­­те, ең дұрысы, әңгімені созбай, те­ле­фонды бірден сөндіре салған абзал.
Количество показов: 90
Дата создания: 14.11.2024 06:17:06