"Ақтөбе-Орынбор" тас жолында "БМВ-520" автокөлігі аударылып, 3 жолаушы қаза тапты. Жол апаты кеше таңертең болған. Хлебодаровка ауылынан қалаға бет түзеген көлік оң жағына қарай аударылған. Көлік тізгінінде 18 жастағы жүргізуші болған. Апат нәтижесінде 17, 18 жастағы үш жолаушы сол жерде жан тапсырды. Ал жүргізуші мен тағы екі жолаушы теміржол ауруханасына жеткізілді. Дерек бойынша тергеу жүріп жатыр деп хабарлайды облыстық ішкі істер департаментінің баспасөз қызметі.