Ол Мароккода самбодан ардагер спортшылар арасында өткен әлем чемпионатына қатысып қайтқан еді. Байрамның жүлдесі - қазақ спортшыларының қоржынындағы жалғыз алтын. Спортшыны бүгін жанкүйерлері қошеметпен қарсы алды. Ардагерлер арасындағы әлем чемпионатының географиясы жыл сайын кеңейіп келеді. Биылғы жарысқа 22 мемлекеттің спортшысы қатысыпты. 450 самбошының көпшілігі- көрші Ресейдің өкілдері. Татамиге шығатын самбошылар жас ерекшелігіне қарай іріктелген. Командалық есепте бірінші орын Ресей құрамасына берілген. Біздің ел құрамасы-екінші орынға жайғасты. Украина мен Молдованың самбошылары- үшінші орынды місе тұтқан.