Ал Ағайынды Жұбановтар көшесіндегі № 293-үйдің 1-ші ғимаратында бір аптадан бері жылу жоқ. 125 пәтерге осы уақыттың аралығында ыстық суда берілмеген. Көпқабатты үй орталық жылу беру жүйесіне қарайды. Мұндағы тұрғындар жылда жылудың дауын көтеруге жалыққан секілді. Шу шығара берген соң ба шалынған қоңырауға "Бастама" пәтер иелері копперативі жауап бермейтін де болған. Кейін белгілі болғаны, 8 подъездегі кейбір пәтерлерге жылу берілген. Бірақ, барлық бөлмелеріне емес. Мәселен, ас үй мен жатын бөлмеде болса, қонақ бөлмеде жоқ. Бұл жылу бар деп ауыз толтырып айтуға келмейді деп тұрғындар тағы наразы.