Қазақстан төтенше жағдайлар қызметінің құрылғанына 17 жыл. Облыста құтқарушылардың кәсіби мерекесі кең көлемде атап өтілуде. Бүгін Ғ. Жұбанова атындағы облыстық филармонияда құтқарушылар құрметіне концерттік бағдарлама әзірленді. Үздік қызметкерлер марапатталды. Құтқарушыларға бағалы сыйлықтар, мақтау грамоталары табысталды. Сондай-ақ 4 адамға қызметтік пәтер кілттері табыс етілді. Жыл басталғалы облыстың құтқарушылары екі мыңнан астам төтенше жағдайларда өз кәсіби шеберліктерін танытты. Олар 237 адамды аман алып қалды. Мыңға жуық тұрғын төтенше оқиға аймағынан құтқарылды. Өлшеусіз еңбектері еленіп, бүгін облыстық ТЖД-нің 40 қызметкері және 10 зейнеткер мен ардагер марапатқа ие болды. 4 құтқарушыға қызметтік пәтер кілттері табыс етілді.