Құтқарушыға кедергі жасамаңыз!

Жыл басынан бері 409 өрт тіркеліп, тілсіз жау 11 адамның өмірін жалмаған, ал, 9 адам неше түрлі дене жарақаттарын алды. Төтеншеліктер бұл былтырғы жылмен салыстырғанда 1,4 пайызға аз дейді. Құтқарушылар өрт шыққан орынға тез арада жетуі керек. Дегенмен, тұрғын үйлердің алдындағы бөгеттер мен қоршаулар дер кезінде өртті сөндіруге кедергі. Осылайша біраз уақыт жоғалтамыз, дейді құтқарушылар. Бүгін олар тұрғын үйлердің алдындағы бөгеттер мен қоршауларды алып тастады. Қазіргі таңда дәл осындай бөгет қаламыздағы 40 үйдің алдында тұр. Мұндай бөгеттерді тұрғындар өз қауіпсіздігі үшін орнатады екен. Дегенмен, көп қабатты үйдің құрылысы салынғаннан бері қойылған бөгеттер де бар. Оған дәлел Өтеген Тұрмағамбетов көшесіндегі көп қабатты үйдің алдындағы бөгет. Көше тұрғындары бөгетті алу жұмыстарына қарсы. Себебі- үйдің алдынан өтетін көліктердің кесірінен адам қағу сынды қайғылы оқиғалар көп болады екен. Құтқарушылар бөгеттер мен қоршауларды тұрғындардың наразылығына қарамастан алып тастауға құқылымыз, дейді. Себебі бұл өрт қауіпсіздік ережесінің талаптарына сай келмейді. Қазіргі таңда 10 бөгет алынған, ал, қалған 30 бөгет жыл соңына дейін алып тасталынбақ.
Количество показов: 175
Дата создания: 31.10.2024 06:51:08