Ақтөбе жылыту маусымына дайын ба?

Қаламызда тұрғын және көпқабатты үйлер жылыту маусымына дайындығын аяқтап жатыр. Халықты уақытында жылумен қамтамасыз ету үшін тиісті орындар шұғыл жұмыстарын аяқтауға тырысып бағуда. Жөндеу жұмыстарын жүргізіп, жылыту маусымы басталғанша үйлерді дайындап береміз,- дейді жауаптылар. Қаламызда 1867 көпқабатты тұрғын үй бар. Оның 1531і орталық жылыту жүйесімен жылытылады.
Набережный көшесі бойынша орналасқан «Сегізінші» пәтер үйлерінің кооперативі жылу маусымына дайынбыз деп отыр. Қарамағында 18 үй бар. Санитарлық техника жөніндегі 3 маман тәулік бойы жұмыс істейді. "Тұрғындардан қандай да бір шағым түсе қалса, дер кезінде жасап беруге тырысамыз. Себебі барлық жөндеу тұрғындардың қаражатына жасалады",- дейді кооператив басшысы.
Бүгінде қаламыз жылыту маусымына 96%ға дайын. Тұрғын үйлердің дені дайындық паспорттарын алған. Тек 4% -ы ғана жөндеу жұмыстарын жалғастырып жатыр. Ол да жылу маусымы басталғанша аяқталуы тиіс.

Количество показов: 493
Дата создания: 05.10.2023 00:22:33