1- желтоқсан - ЖИТС – ке қарсы Халықаралық күрес күні.
Осыған орай бүгін өңірлік коммуникациялық қызметі алаңында брифинг өтті. Статистикаға сүйенсек, жыл басынан бері 57 адам АИТВ инфекциясын жұқтырған. Дені ер адамдар. АИТВ мен өмір сүретін адамдардың 81 % - ы вирусты қорғалмаған жыныстық қатынас арқылы жұқтырғанБиыл облыста АИТВ - ға тексерілгендердің саны 17 % - ға артты. Қазіргі таңда 200 мыңнан астам адамға зертханалық талдау жасалынды. Нәтижесінде 57 адамнан АИТВ инфекциясы анықталды. Жұқпалы дертті жұқтырғандардың басым көпшілігі ер адамдар, яғни 38 ер адам мен 19 әйел адамдар АИТВ инфекциясын жұқтырған. Облыстық ЖИТС орталығының бөлім меңгерушісі Айжан Жайлаубаеваның айтуынша, көбінесе АИТВ инфекциясы жыныстық жолмен берілген.Жастар - еліміздің болашағы. Бірақ, есірткіге салынып, лудоманияның, құмар ойындардың құрбандары болып жатқандар жетерлік. Осыған орай жастар арасында АИТВ инфекциясын алдын алу мақсатында облысымызда профилактикалық шаралар үздіксіз жүріп жатыр. 18 бен 35 жас аралығындағы жастарға АИТВ инфекциясы туралы хабар беріліп, сауалнамалар жүргізілуде."Дүниежүзілік ЖИТС - пен қарсы күрес" күні қарсаңында "Көшбасшылық - қауымдастықтарға" ұранымен Қазақстан ЮНЭЙДС Бүкіләлемдік науқанға қосылды. Науқан 20 - ы қарашада басталып, бүгінгі күнге дейін жалғасты. 1 желтоқсан "ЖИТС - ке қарсы халықаралық күрес" күні. Қоғамдық бірлестік біздің облыста да ынтымақтастық байланыста. Дүниежүзілік науқан аясында Ақтөбедегі ЖИТС орталығы АИТВ инфекциясын, алдын алу мақсатында "Наша жизнь" қоғамдық қоры, ҚР Қызыл Жарты Ай Қоғамы Ақтөбе облысының филиалдарымен бірігіп жұмыс істеп келеді.Количество показов: 486
Дата создания: 01.12.2023 22:28:20
