Бүгін жетінші шақырылымдағы облыстық мәслихат депутаттарына жаңа мандаттары тапсырылды. Алғашқы сессия жұмысына облыс әкімі Оңдасын Оразалин қатысты. Облыстық мәслихат төрағасы болып Такталифум Есенғұлов, хатшысы ретінде Амангелді Нұғманов тағайындалды. Облыстық сайлау комиссиясының төрайымы Гүлнар Күнбаева халық қалаулыларын өңірде өткен сайлаудың қорытындысымен таныстырды. Жетекші партиялар додасында 33 депутат облыстық мәслихатқа өткен. Оның басым бөлігі "Нұр Отан" партиясы атынан сайланып отыр.
Биылғы жылдың алғашқы сессиясына депутаттар түгел жиналды. Сайлауда жеңіске жеткен партиялар атынан таңдалған депутаттар саны- 33. Бүгіннен бастап жұмыстарына кіріскен халық қалаулыларына мандаттары табысталды.
Депутаттар құрамында 11 әйел бар. 13 кәсіпкер, 4-уі мемлекеттік басқару қызметінде еңбек етеді. Ең жас депутат- 24 жаста. Жалпы өңірде өткен сайлауды 1883 саяси партия өкілдері қадағалаған. Сондай-ақ, 406 сенімді өкіл, шет мемлекеттерден келген 6 бақылаушы жұмыс жасаған. Айта кетелік, биылғы жылдың бірінші сессиясында жұмыс барысын пысықтап алған депутаттар құрамы облыстық мәслихаттың төрағасы мен хатшысын сайлап алды. Бес тұрақты комиссия жұмыс жасайтын болады. Әлеуметтік- мәдени даму, аграрлық мәселе, құрылыс, тұрғын үй-коммуналдық шаруашылық мәселелері назардан тыс қалмақ емес.