Облыс аумағында “Қауіпсіз жол” жедел алдын алу шарасы жалғасып жатыр. Шараның мақсаты - жүргізушілер арасында тәртіпті күшейту. Сонымен қатар жол-көлік оқиғаларын, оның ішінде көлік жүргізу құқығынан айырылған жүргізушілерді әшкерелеу және жол қозғалысы ережелерін бұзудың алдын алу. 19 маусымда басталған шара 10-шы шілдеге дейін жалғасады. Алдын алу шараы өрескел заң бұзушылықтардың жолын кесуге бағытталған. Облыс бойынша екі аптаның ішінде бес мыңнан аса әкімшілік құқық бұзушылық тіркелді. Сонымен қатар, көлік басқару кезінде ұялы телефон пайдаланған 300-ге жуық жүргізуші анықталды. Полиция көліктегілерге де, жаяуларға да жол қозғалысы ережелерін сақтауды ескертеді. Деректерге сүйенсек, қайғылы оқиғалар көбіне рөлде отырып қалғып кету, қарсы бағытқа шығу, белгіленген жылдамдықты арттыру салдарынан болады. Естеріңізге сала кетейік, облыста жыл басынан бері 200-ден аса жол-көлік оқиғасы тіркеліп, оның салдарынан 44 адам қаза тапса, 320 адам түрлі жарақат алған.