Гришин көшесіндегі тротуар тегіс емес. Оның үстін қазір көк мұз басқан. Осы көше бойында орналасқан Жұбанов университеті корпусында білім алып жатқан студенттер жаяу жүгіншілер жолы тазартылмайды, көктайғаққа қарсы құм, тұз себілмейді деп шағымданды. Жастар өз денсаулығы үшін алаңдаулы. Гришин көшесіндегі тротуар әуел бастан тегіс салынбаған. Ал қыс түскелі бетін қар мен мұз басты. Уақытылы тазартылмайтын тротуарда талай жаяу адам құлап, зардап шеккен. Жұбанов университетінің бір корпусы осы Гришин көшесінде орналасқан. Өз өміріне алаңдаулы оқу орны қызметкерлері мен студенттер жаяу жүргіншілер жолына көктайғаққа қарсы құм, тұз себілсін, деп отыр.
Қалалық тұрғын үй-коммуналдық шаруашылық бөліміндегілер тротуар қол арбаға таңылған мүгедектердің жүріп-тұруына ыңғайлы етіп төселгенін жеткізді. Айта кету керек, Гришин көшесінде орналасқан жаяу жүргіншілер жолын күтіп-ұстауға "Астана" аудандық тұрғын үй-коммуналдық шаруашылық бөлімі жауапты. Ескертуден кейін жұмысшылар жаяу жүргіншілер жолын тазартқан.