"Адал ұрпақ - болашақ кепілі". Осындай атаумен бүгін жемқорлыққа қарсы жастар слеті өтті. Биыл екінші мірте өткізіліп отырған шараға облысымыздан 100-ге жуық қыз-жігіт қатысты. Олардың дені мектеп оқушылары мен орта және жоғары оқу орындарының студенттері. Жастар елге танымал өнер және спорт шеберлерінің жетістікке жету жолындағы өмірлік тәжірибелерін тыңдап қайтты. Әкмала Айнадин "Жас болсаң іске" деген ұстанымды жанына серік еткен. Биыл слетке 2-мәрте қатысып отыр. Болашағынан үміт күттіретін жас болашақ дәрігер. Ол кассасыз "адал дүкен" жобасын ойлап тауып, оны іс жүзінде жүзеге асырған. Сөйтіп, болашақ дәрігер студенттердің күнделікті оқуына қажетті жабдықты қол жетімді бағамен таратқан. Осылайша жемқорлыққа қарсы өз үлесімді қостым. Бұл менің таңдаған жолым,-дейді . Адал ұрпақ, саналы ұрпақ ұстанымдарын алға тартқан клуб белсенділері парасыз да өз адал еңбегіңмен жетістікке жетуге болатынын дәлелдеу үшін семинар тренингке - жеңіс тұғырында жүрген спорт және мәдениет майталмандарын шақырған. Олардың қатарында: ММА ережесіз жекпе-жектен әлем чемпионы Бағдат Жұбаныш пен аспанасты елін мойындатқан әнші Димаш Құдайбергеннің өнердегі ұстазы Марат Әйтімов және «Жүз» жаңа есім» жобасының жеңімпазы Шахан Жолдасбаев бар. Мыңнан жүйрік атанғандар жеңіске жету жолындағы өз құпияларын айтты. 30 -дан астам колледж белсендісінің арасында 4-курс оқитын 15 студент алғыс xаттармен мараппатталды. Себебі, бұл жастар жемқорлыққа қарсы департамент қолға алған "Мансап" курстық жобасынан 5 ай аралығында дәріс алған. Сөйтіп, жемқорлықтың алдын алу тәсілдерін теориялық және тәжірибе жүзінде меңгерген.