Жаңа жылдан бастап кәсіпкерлерді тексеруге мараторий мерзімі аяқталады.
2024 жылғы 1 қаңтардан бастап мемлекеттік органдардың шағын кәсіпкерлік субъектілеріне, оның ішінде микрокәсіпкерлік субъектілеріне қатысты жоспардан тыс төрт жылға жарияланған тексерулерге мораторийі аяқталады. Жаңа жылдан бастап, кәсіпкерлік нысандар жаппай тексеріле бастайды,-дейді мамандар.Бүгінгі отырыста заңнамадағы талаптарға байланысты болып жатқан өзгерістермен таныса отырып, әлеуметтік сала, білім беру және денсаулық сақтау кеңесі шеңберінде жергілікті атқарушы органдармен бірлесе отырып, біліктілікті арттыру мәселесі көтерілді. Кәсіпкерлер сарапшылар мен заңгерлерге өз сауалдарын қойды. 2019 жылдан 3 жылға енгізілген мораторий пандемиядан кейінгі уақытта кәсіпкерлер үшін айтарлықтай қолдау болды. Осы шешімнің арқасында елдегі шағын және микробизнес ел үшін осы қиын кезеңде төтеп беріп, қайта аяғынан нық туруға септігін тигізді. Ал мәжіліс депутаттары мараторийді тағы бір жылға ұзарту туралы ұсыныс жасап отыр. Олар осылайша елімізде бизнестің дамуына қолдау жасаймыз деген ойда.
Количество показов: 551
Дата создания: 07.12.2023 19:41:09
