Бүгін қалада тәртіп сақшылары арасында футзалдан турнир өтті. Сайысқа бес команда қатысты. Әр топта бес қатысушыдан. Футзал осыдан 20 жыл бұрын қызметтік міндетін атқару барысында қаза болған полиция лейтенанты Амангелді Қосжановты еске алуға арналды. Рота командирі болған Амангелді Қосжанов басшылық қызметтерде абыройлы жұмыс атқарған. Үлкенге- қамқор, кішіге- ізетті бола білген азаматты бүгін замандастары ыстық ықыласпен еске алды.
Қоғамдағы тәртіпке жауап беруші сақшылардың басын біріктірген тартысты дода биыл алғаш рет ұйымдастырылып отыр. Ойын алаңында 5 команда бақ сынасты. Командалар кубокты иелену үшін барын салды. Жеңімпаздарға алғыс хаттар мен кубок табысталды. 35 жасында қызметтік борышын орындау кезінде қаза болған лейтенанттың атымен қаладағы көшелердің бірі аталады. Амангелді Қосжанов 1999 жылы 27 тамызда ҚР Президенті жарлығымен "Ерлігі үшін" медалімен наградталған.