Тұрғындар тротуарлардың тазартылмай жатқанына наразы

"Астана" ауданына қарасты көшелердегі жаяу жүргінші жолдары мен аялдамаларды мұздан тазарту жұмыстарына 5 мердігер мекеме жұмылдырылған. Олар "Батыс Ақтөбе", "Өтес Ақтөбе", "Самғау", "Нұрлытан" және "Техносервис" компаниялары. Жұмысшылар таңғы алтыдан бастап жаяу жүргінші жолдары мен аялдамалардың мұзын ойып, қарын аршып, көктайғаққа қарсы қоспалар себумен айналысады. "Астана" ауданы әкімдігінің тұрғын үй- коммуналдық шаруашылық бөлімінің басшысы Мирас Әжібаевтың сөзінше, әрбір мекемеден 20 - 25 - ке жуық жұмысшы аталған жұмыстарды орындайды."Астана" ауданындағы көшелерде жаяу жүргінші жолдарының үстіндегі мұз күнделікті ойылып, тазартылып жатыр. Бұл жұмыстардан бөлек әр мекемеден 20 жұмысшы мұз үстіне құм, тұз себу жұмыстарымен айналысады. Сондай - ақ, таңғы алтыдан кешкі жетіге дейін көшелердің қарын аршып, мұзын ойып, полигонға жеткізеді. "Астана" ауданы әкімдігінің тұрғын үй- коммуналдық шаруашылық бөлімінің басшысы Мирас Әжібаевтың сөзінше, тротуарлардың мұзын техника емес, жұмысшылар өз қара күштерін жұмсап, оятындықтан жұмысы баяу жүруде.Қала тұрғындары болса жаяу жүргінші жолдары көз мұздан көрінбейді, дейді. Ал, аялдамалардың жайы бір бөлек. Ең болмағанда мұз үстіне құм сепсе екен деген шағымдары бар."Астана" ауданына қарасты 7 аумаққа тазалыққа 5 мердігер компания жұмылдырылған. Оған қосымша саябақтар да тазартылады. Қаңтар айының басында жауған жауын - шашынның салдарынан тротуарлар үсті мұз болып қатып қалған болатын. Қаңтар айының 20 - нан бастап жаяу жүргінші жолдары мен аялдамалар қардан, мұздан тазартылып жатыр.
Количество показов: 935
Дата создания: 31.01.2023 12:18:08