Орталық базар да карантин жағдайында жұмыс жасауға дайын. Сауда орталығының әкімшілігі әзірлік жұмыстарын аяқтаған. Комиссияның рұқсатын күтіп отыр. Қалада карантин талаптары әлсірей бастағанда-ақ орталық базар алдындағы алаң жайма базарға айналды. Бұл жердегі қазіргі көрініс нарықтық экономикаға алғаш аяқ басқан жылдарды еске түсіреді. Саудагерлер тауарларын көліктердің жүк салғышынан сатып жатыр. Жеке көліктері жоқтары арбалатып жүр. Орталық базар екі айдан бері жабық. Базардың ашылуын тек ондағы жұмысшылар мен саудагерлер емес, бүтін ақтөбеліктер күтіп жүр. Ал орталық базар әкімшілігі карантин жағдайында ашылуға әзірлік жұмыстарын аяқтаған. Комиссияның рұқсатын күтіп отыр.
Базардың басты қақпасы алдына дезинфекциялық дәліз орнатылған. Іштегі павильондардың аузына екі жақтан қол жуатын антисептиктер қойылған. Халықтың ара қашықтықты сақтап жүруін қамтамасыз ету үшін арнайы кедергілер жасалған. 4 жақта төрт кіреберісте тепловизорлар жұмыс жасайды. Залалсыздандыру сұйықтықтары жеткілікті,- дейді Бақытжан Бетбаев.