Өңірімізде 200- ге жуық ірі кәсіпорын бар. Өндірісі дамыған аймақтар қатарына енеді. Сәйкесінше экологиялық проблемалар шаш етектен. Қоршаған ортаны қалыпқа келтіру мақсатында Жол картасы әзірленді. Құжатта өңірдің экологиялық ахуалын түзеуге бағытталатын 30- дан астам іс - шара жоспары көрсетілген. Жол картасы ҚР Экология геология және табиғи ресурстар министрлігі және облыс әкімімен келісіліп, бекітілген. Жол картасындағы басты міндеттердің бірі ауа қабатын ластаушы өндірістік қалдықтарды азайту. Атмосферада күркітсутек мөлшері аса үлкен. Былтыр сондай-ақ, көмірсутек оксиді, азот диоксиді секілді улы химиялық заттардың мөлшері нормадан асып тіркелген. Алайда, биыл мұндай ауа қабатын жоғары ластаушы деректер анықталған жоқ, дейді облыстық экология департаментінің басшысы Нұржан Аққұл. Өңір үшін басты экологиялық проблемалардың бірі Көкжиде жер асты сулары қорын сақтап қалу. Бүгінде Көкжиде маңында мұнай өндіру бойынша белсенді жұмыстар жүргізіліп жатыр. Бұл бірегей су кен орнын біржола жоғалтуға алып келуі мүмкін. Бір апта бұрын Бестамақ ауылы тұрғындарының атынан экология департаментіне шағым түскен еді. Шошқа өсіру кешенінде қалдықтарды жою жұмыстарында заңсыздықтарға жол берілген дейді ауыл тұрғындары. Өндіріс қалдықтарының суға ағызылуы дерегіне қатысты судан сынамалар алынып, зертханалық-сараптамалық бақылау департаментіне жолданған. Тексеру жалғасып жатыр.