Ораза 23-наурызда басталады

Бүгін қалада діни бірлестіктер өкілдері бас қосты. Наурыз мерекесі мен қасиетті Рамазан айы қарсаңында ұйымдастырылған шара облыстық орталық "Нұр ғасыр" мешітінде өтті. "Қош келдің, қасиеті мол Рамазан" деп аталатын ашық есік күніне қаладағы барлық діни , этно-мәдени бірлестік өкілдері қатысты. "Руханият" музейінде жергілікті діни бірлестіктер өкілдеріне орталық мешіттің жұмысы жайлы ақпарат берілді. Жыл басында барлық бірлестіктердің қатысуымен клуб отырыс өткізіліп, осы жылы атқарылар жұмыс жоспары бекітілген еді. Соған сәйкес енді ұлттық, діни мерекелерді бірігіп атап өту жолға қойыла бастады, дейді облыстың бас имамы Серікжан Еншібайұлы.Орталық "Нұр ғасыр" мешітінде өткен діни бірлестіктер өкілдерінің кездесуінде мешіт имамдары Рамазан айының ерекшеліктері туралы айтып берді. Өзге діни ұйымдардың өкілдері де діндер арасындағы татулық тақырыбында әңгіме өрбітті. Қазақстан мұсылмандар діни басқармасының хабарлауынша биыл Рамазан айы 29 күнге созылады. 23 наурыз Оразаның алғашқы күні, қасиетті Қадір түні сәуірдің 17 нен 18 -не қараған түн.
Количество показов: 1004
Дата создания: 17.03.2023 04:08:08