Жыл басынан бері өңірдің негізгі капиталына 382 млрд.теңгеге жуық инвестиция салынған. Аймақта былтырғы көрсеткішпен салыстырғанда соңғы 9 айда инвестиция көлемі 36,6 млрд. теңгеге өскен. Биыл облыс экономикасына 600 млрд. теңге инвестиция тартылуы мүмкін. Жоспар осындай. Ал, жыл басынан бері өңірдің негізгі капиталына 382 млрд.теңгеге жуық инвестиция салынған. Оның ішінде бюджеттік қаражат, меншікті капитал, банктік қарыздар мен өзге де қарыз қаражаттары бар. Биыл аймақта 25 өнеркәсіп нысанын іске қосу жоспарланған. Бірнешеуі жұмысын бастады. Өңірдегі жұмысы тоқтап қалған немесе мүлдем іске қосылмаған кәсіпорындар қайта жаңғырған. Алда жұмысын бастайтын зауыттардың бірі - "Керамика" АҚ қарасты зауыт. Өңірдегі тау-кен өнеркәсібінің табысы биыл 887 млрд. теңгеге жуық. Өңдеу өнеркәсібінің үлесі 450 млрд. теңгеге жақын. Қазір облыста көмірсутегі шикізатын өндіретін 14 кәсіпорын жұмыс жасайды. 9 айда 4 млн. 100 мың тонна мұнай өндірілген. 5 млрд. шаршы метр табиғи газ шығарылды.