Қобда ауданына су тасқынынан келген зардап есептелуде
Бүгін Қобда ауданында су тасқыны келтірген зардапты анықтау үшін құрылған комиссия жұмысын бастады. Ауданның батыс бөлігінде су астында қалған үйлердің шығыны есептелуде. Қобда ауданының әкімі Болат Құлов кеше күні бойы аудан орталығымен қатынасы үзілген ауылдарды моторлы қайықпен аралап, ондағы халықтың жағдайымен танысып шыққан. Қызыл судың беті қайтқанша арғы беттегі ауылдарды азық-түлік, дәрі-дәрмекпен қамту жолға қойылған. Шұғыл медициналық көмекке мұқтаж адамдарды құтқарушылардың күшімен медициналық мекемелерге жедел жеткізу жағы да ойластырылған. Әсіресе ауданның батыс бөлігінде орналасқан елді мекендерді су шайды. Қарғын су астында қалған үйлердің шығыны бүгіннен бастап есептеліп жатыр. Арнайы комиссия жұмыс жасауда. Ақтөбеден жергілікті белсенділердің көмегімен қосымша 12 ассенизатор жеткізілген. Облыстық ТЖД 10 су сорғыш мотопомпа әкелінген. Осы күштерді тарта отырып су басқан үйлер құрғатылады.Количество показов: 974
Дата создания: 17.03.2023 11:00:29
