Мопедпен апатқа ұшыраған жасөспірім жансақтау бөлімінде жатыр

Қонаев пен Шернияз көшелерінің қиылысында мопед апатқа ұшырады. Мопед жүргізушісі қарсы бағытта келе жатқан көлік құралдарына жол бермей, Ваз автокөлігімен соқтығысқан. Мопедті 16 жастағы бала тізгіндеген. Қазір ол балалар ауруханасының жансақтау бөлімінде жатыр.
Зардап шеккен баланың жасы 16 да. Жасөспірімнің қатысуымен болған жол-көлік оқиғасын көлік жүргізушілері түсіріп, ғаламторға таратқан. 16 жастағы бала қазір облыстық балалар аураханасында жатыр. Дәрігерлердің бақылауында. Жасөспірімнің тиісті құжаты болмаған. Ал мопедты туыстары сыйға тартыпты. Қазір іс бойынша тергеу басталды. Мамыр айының басталуымен қалада мопед жүргізушілерінің саны артқан. Кейде қос дөңгелекті тізгіндейтіндердің жасы 18- ге де толмаған, дейді полицейлер. Жол ережесін бұзатындар да солар. Мопедпен қоғамдық көлікке арналған жолақты қоса алғанда, жолдың оң жақ шетімен жүруге рұқсат беріледі. Бұл тек веложолақ болмаған жағдайда ғана, себебі мопедшілер велосипед жолағымен қозғалуға міндетті.Тротуар мен жол жиегінде мопедпен қозғалуға тыйым салынған. 
Количество показов: 1178
Дата создания: 23.05.2023 03:44:22