"КМК Мұнай" АҚ қызметкерлерін тұрғын үймен қамтамасыз етіп келеді

Жұмысшыларға арналған тұрғын үй. "КМК Мұнай" АҚ қызметкерлерін тұрғын үймен қамтамасыз етіп келеді. Биыл Темір ауданы, Саркөл ауылында су жаңа үй салынып, қолданысқа берілді. 200 адамға шақталған жаңа тұрғын үй жұмысшыларға арналған. Вахталық әдіспен жұмыс істейтін қызметкерлре үшін жағдай жасалып отыр. Баспанамен қамтылған жұмысшылардың қуанышында шек жоқ. "КМК Мұнай" АҚ өз қызметкерлеріне жаңа тұрғын үй салып берді. Ғимарат үш қабатты, 200 адамға ыңғайланып салынған. 100 адамға арналған ас үй, спорт залы, конференция залы, медициналық пункт, футбол алаңымен жасақталған. Барлық бөлмелер жиһазбен, тұрмыстық техникамен жабдықталған. Жаңа әлеуметтік нысан 1 қыркүйектен бастап пайдалануға берілді. «КМК Мұнай" АҚ-ның басқа да өндірістік нысандары қаладан алшақ орналасқан.
Мұнда жұмыс вахталық әдіспен жүргізіледі. Барлығы 300-ге жуық қызметкер бар. Оның 200-ге жуығы вахталық әдіспен жұмыс істейді. "КМК Мұнай" АҚ Темір ауданында 20 жылдан бері қызмет атқарады. Осы уақытқа дейін мұнайшылардың баспана жағдайы аса мәз болмаған. Осылайша соңғы 3 жылда компания жаңа нысанның құрылысын аяқтады. Компания басшылығының айтуынша құрылыс үшін 1 млрд 600 млн теңге қаражат жұмсалған. Компания қызметкерлерінің 30 пайыздан астамы Темір ауданының тұрғындары. Қызметкерлердің орташа жалақысы 385 мың 600 теңгені құрайды. Кәсіпорын басшылығы алдағы уақытта да жұмысшылардың әлеуметтік жағдайын жақсартуға күш салатындарын айтты.
Количество показов: 699
Дата создания: 05.09.2023 08:56:28