Халықтық кеңседе бүгін зейнетақы, жәрдемақы, еңбекпен қамту мәселелерімен келген азаматтарға заң тұрғысынан кеңестер, заңдарға енгізіліп жатқан жаңалықтар туралы мәліметтер берілді. Биылдан бастап әлеуметтік салаға енгізілген өзгерістерді халыққа түсіндіру мақсатындағы қоғамдық қабылдау республика бойынша өтіп жатыр. 3 күнге жалғасады.Атаулы әлеуметтік көмек бойынша 2020 жылдың 1 қаңтарынан бастап 4 баласы бар отбасыларға – 42500, 5 баласы бар отбасыларға – 53125, 6 баласы бар отбасыларға – 63750 және 7 баласы бар отбасыларға – 73375 теңге көмек тағайындалады. Мемлекеттік атаулы әлеуметтік көмектен орташа табысы жан басына шаққанда 19 мың 366 теңгеден аспайтын ақтөбелік отбасылар үміттене алады. Көмектің бұл түрін алуға өтінішті жұмыспен қамту орталығына апару қажет. Сондай-ақ, биылдан бастап өзге де әлеуметтік жәрдемақылар, зейнетақы көлемі өсті. Әлеуметтік саладағы барлық өзгерістер бүгін халықтық кеңседегі қабылдауға келген қала тұрғындарына түсіндірілді. Заң тұрғысынан кеңестер берілді. Жәрдемақы, зейнетақы тағайындау жолдары түсіндірілді. Бұл әлеуметтік сақтандыру қорынан төленетін жәрдемақыға қатысты өзгеріс. Қор 2003-ші жылдан бері бар. Оған міндетті жарнаны жұмыс беруші әр жұмысшысы үшін аударып отыр. Бірақ, қордағы ақша тек әлеуметтік қатер туындаған жағдайға ғана төленеді. Әлеуметтік қатердің жұмысқа жарамсыздық, жұмыстан айырылу, асыраушысынан айырылу, декреттік демалысқа кету, бала асырап алу,1 жасқа дейінгі бала күтімімен отыру секілді 6 түрі бар. Жыл сайын 770 мыңнан аса адам 160 миллиард теңгеге жуық жәрдемақы алады. Қор жарна төлей бастаған 2005-ші жылдан бері 1,3 триллион теңге жәрдемақы төленген.