Кенен Әзірбайұлының туғанына 140 жыл

Кенен Әзірбаевтың туғанына 140 жыл толуына орай ұйымдастырылған конференцияға Жетісудан ақиық ақынның ұлы Бақытжан Әзірбаев келді. Ақынның ұрпағы еліміз бойынша барлық өңірлерде мерейтой өткізіп, осындай шаралар ұйымдастырып жатқан мәдениет қызметкерлеріне ризашылығын білдірді. Конференция қонақтары ҚР еңбек сіңірген қайраткері танымал опера әншісі Сүндет Байғожиннің өнерін тамашалады. Халық ақыны , күміс көмей әнші әрі композитор Кенен Әзірбаев 1884 жылы қазіргі Алматы облысы, Жамбыл ауданы Мітібұлақ ауылында дүниеге келген. 92 жас жасына дейін ол артына өшпестей мол мұра қалдырды. Қазақтың жырауы әрі ақыны, күйші-шежірешісі шығармалары өзі өмір сүрген заманның келбетін айшықтап тұр.
Количество показов: 542
Дата создания: 11.04.2024 05:50:24