Күзге қарай өңірімізде коронавирус өршуі мүмкін. Бұған себеп-ақтөбеліктердің жаппай шетелде демалуы. Мамандар инфекцияны өзге елдерден алып келу қаупі зор деп болжап отыр. Осы орайда эпидемиологтар ақтөбеліктерді қазірден бастап ковидке қарсы егілуге шақырады. Елімізде КОВИД бойынша ахуал күнде ауытқып отырады. Мәселен, осы уақытқа дейін "сары" аймақта болған өңірлерде көрсеткіш өскен. БАҚ беттерінде өзге аймақтарда омикрон штамы анықталып жатқаны туралы жариялануда. Ал Ақтөбеде ахуал тұрақты. Бұл уақытша, дейді мамандар. Күзге қарай вирустың өршу қаупі бар. Ал індеттің өршуіне жол бермеуі үшін ақтөбеліктер осы бастан қамдануы тиіс. Вакцина алып, қолды жиі антисептикпен зарарсыздандырып отыру, халық көп шоғырланатын жерлерге көп бармау. Шетелге шығуды да уақытша тоқтату. Ақтөбеліктер болса, коронавирусқа қарсы күресті үйреніп алғандай. Егер індет қаупі болса, маска тағып, қауіпсіздік ережелерін сақтауға дайынбыз, деп отыр.Биыл өңірде 9000- ға жуық адам КОВИД инфекциясын жұқтырған. Дені қаңтар, ақпан айларында. Қыс мезгілінде індетке шалдыққандардың үлесі 95 пайызды құрап отыр. Наурыз айында 27 жағдай тіркелген. Ал сәуірде 4 адамнан вирус анықталды. Мамыр мен маусым айларында үш адам ауырды. Ал вакцина салдырғандардың саны әзір 438 мыңды құрайды.