Облыста жүргізуші құқығынан айрылғанымен қоймай, көлікті мас күйде басқару деректері жиілеген. Өткен үш тәулікте патрульдік полиция қызметкерлері осындай 4 деректі анықтады. Жүргізушілер уақытша ұстау изоляторына қамалды. Автокөліктер айып тұрағына қойылды. Жүргізуші куәлігінен айрылса да қайтадан рөлге отырған, онысымен қоймай, көлікті мас күйде айдағандардың екеуі қала тұрғындары. 52 жастағы жүргізуші "Шевролет Круз" көлігімен Красин көшесінде жүйткіп келе жатып, жол сақшыларының назарына ілігеді. Тоқтатып, тексеру барысында жылдамдықты асырған жүргізушінің қажетті құжаттары болмай шығады. Екінші дерек Қонаев пен Жангелдин көшелерінің қиылысында орын алған. Сонымен қатар тәртіп сақшылары карантин режимін бұзу деректерін анықтаған. Тәртіпке бағынбаған 316 ақтөбелікке әкімшілік хаттама толтырылған. Демалыс аймағында баласының үйлену тойын өткізген ата-ана ірі көлемде айыппұл төлеуге мәжбүр болған. Жыл басынан бері полицейлер 14 мыңнан аса әкімшілік құқық бұзушылықтың бетін ашқан. Бейне бақылау камераларының жазбасы базада сақталады. Мәселен, 21- шілде күні Нариманов көшесінің бойында ұрлық жасаған тұлғаның кім екендігі бірден анықталған. Ер кісі дәмхана алдында тал түсте өтіп бара жатқан 52 жастағы ер адамның ұялы телефоны, банк картасы мен 50 мың теңгесін тартып алған. Бұзақы көп ұзамай қолға түсті. 33 жастағы күдікті ұрлаған ақшасы мен заттарын қайтарып берді. Аталған іс бойынша әкімшілік іс қозғалған.