Есет Көтібарұлына ескерткіш қойылды

Еңкеймес елдің байрағы болған батыр, би Есет Көтібарұлының ескерткіші ашылды. К.Нокин даңғылы мен Д.Қонаев көшесінің қиылысында орналасқан баһадүр ескерткішінің биіктігі 10 метр. Авторы қаламызға танымал кәсіби мүсінші Жеңіс Жұбанқосов. Наурыз мерекесі қарсаңында өткен салтанатқа жиналған халық бата, тілектерін айтып, Т. Ахтанов атындағы облыстық драма театр әртістері театрландырылған қойылым көрсетті. Шекті Қарабас батырдың шөбересі, кіші жүздің Қабақ руынан шыққан баһадүр батыр Есет Көтібарұлының Ресей патшалығына қарсы ұлт азаттық көтерілістің бастаушысы ретінде тарихта аты қалды. Ол 1838 жылы Жоламан батырмен бірге Елек қорғанына шабуыл жасады. 1847-1878 жылдары Жанқожа батырмен бірге Қоқан, Хиуа хандықтарына қарсы шығып, елін қорғады. Кейін 1847-1858 жылдары Арал теңізінің батыс жағалауын, Үлкен және Кіші Борсық құмдары мен Мұғалжар тауларын, Жем, Сағыз, Ырғыз, Елек, Ойыл, Қиыл өзендерінің бойын жайлаған қазақтардың Ресей империясының отаршылдық саясатына қарсы көтерілісіне басшылық етті.
Қаламызда бой көтерген ер Есеттің ескерткішінің биіктігі 10 метр. Танымал Ақтөбелік кәсіби мүсінші ескерткішті мыстан құйған. Мүсінді жасау үшін 3 ай уақыт кеткен. Салтанатты митингке облыс әкімі Ералы Тоғжанов, медицина ғылымдарының докторы, профессор, ҚР ҰҒА академигі Серік Ақшолақов, батырдың ұрпақтары мен журналистика мен кино саласының үздіктері жиналды. Ескерткіштің ашылу салтанатына жиналған халық Т. Ахтанов атындағы облыстық драма театры әртістерінің театрландырылған қойылымының куәсі болды. Есет Көтібарұлының кесенесі Шалқар қаласынан 65 шақырым жерде орналасқан. Жұрт әулиелігімен де танылған Есет бабамыздың кесенесіне тоқтап, рухына құран бағыштап, бет сипамай, сапарын жалғастырмаған
Количество показов: 815
Дата создания: 17.03.2023 11:01:31