Есет батыр көшесін жөндеу жұмыстары осы айда аяқталады
Ұзақ жылдардан бері жөнді жөндеу көрмеген Есет батыр көшесінің асфальт жабындысы жаңартылып жатыр. Бейбітшілік даңғылымен шектесетін бөлігінде жөндеу жұмысы аяқталуға жақын. Бірнеше көшемен қиылысатын ұзын жолдың бетіне асфальттың бірінші қабаты төселген. Енді екінші мәрте асфальт құйылады. Ұзындығы 3,7 шақырым болатын жолды жөндеуге "Нұрлы жол-7" ЖШС-гі жұмысшылары жұмылдырылған. Мердігер көше қиылысатын Шәмші Қалдыаяқов- Абай, Шәмші Қалдыаяқов- Ватутин бөліктерін де жөндеп өтеді. Жөндеу жұмыстары үшін бөлінген қаражат 730 млн теңгеден асады. Учаске қыркүйек айына дейін тапсырылуы тиіс.Количество показов: 1107
Дата создания: 16.08.2022 17:15:59
