Айлық есептік көрсеткіш көлемі артуына байланысты елде 1-маусымнан бастап қайта өңдеуге тапсырылатын ескі көліктер өтемақысы өсті. Тозығы жеткен жеңіл көліктерді қабылдау 2 санат бойынша жүзеге асырылады. Толық жиынтық төлемі 72 АЕК, толық емес жиынтыққа 54 АЕК деп белгіленді. Жаңа ереже бойынша жеңіл автокөліктер тек ақшалай төлемақыға қабылданады. Сертификаттар берілмейді. Жеңілдік сертификаттары тозығы жеткен жолаушы автобустары, жүк көліктерін тапсырушыларға беріледі. Ал жеңіл автокөліктерге жаңа ереже шықпай тұрып берілген сертифкаттар қолдану мерзімі аяқталғанға дейін жарамды. Жыл басынан ақтөбеліктер қайта өңдеуге 300-ден аса автокөлікті өткізген.