Демалыс базасында зардап шеккен балалар ауруханадан шықты

Демалыс базасында қарда жүретін көлік астына түсіп, жазым болған балалардың екеуі ауруханадан шығарылды. Барлығы да жабық бас-ми жарақатын алып, милары шайқалған, дене жарақаттарын алған болатын. Ең ауыр жараланғандары 16-17 жастағы екі қыз. Олар да келесі аптада үйлеріне жіберіледі.
Еске салсақ, 28-қаңтарда қала сыртындағы демалыс базаларының бірінде 16 жастағы ер бала қарда жүретін көлікпен 1 топ адамды қағып кетті. Оқиға орнында 40 жастағы бір әйел қайтыс болды. 49 жастағы ер адам мен 5 бала зардап шекті. Балалардың төртеуі ауруханаға түскен болатын. 16-17 жастағы қыздардың жағдайы ауыр болды. Облыстық полиция департаменті аталған оқиғаға қатысты қылмыстық іс қозғап, тергеу жүргізіп жатыр. Жасөспірім мінген техника демалыс базасына тиесілі емес екені анықталды. Ол сол баланың туысының мүлкі болып шықты. 
Количество показов: 857
Дата создания: 03.02.2023 12:39:36