Биыл қалада 20 көшеге жаңа атаулар беріледі. Былтыр "Астана" ауданындағы 20 көшенің атауы өзгерді. Бұл көшелерге Ұлы Отан соғысы ардагерлері мен тарихи тұлғалардың есімдері берілді. Мәселен ағайынды Жұбановтар көшесімен қиылысатын атауы жоқ көшеге Ұлы Отан Соғысының ардагері, Халық қаһарманы, Берлинге жеңіс туын бірінші болып тіккен батырымыз Рақымжан Қошқарбаевтың есімі берілді.
Сәңкібай батыр даңғылындағы облыстық кәсіпкерлер палатасы, "Шебер", "Ақтөбе Молл" сауда ғимараттары орналасқан көше бұдан былай "Желтоқсан батырлары" көшесі деп аталады. Атау берілген көшелерге аншлагтар ілініп жатыр. "Астана" ауданы әкімдігінің әлеуметтік сала бөлімінің басшысы Еркінбай Жүсіпұлының сөзінше, соңғы 3 жылда қалада 100 - ге тарта көшенің атауы жаңартылды.Тұрғындар көшелерге тарихи тұлғалардың есімдері берілгенін құптап отыр. Айтуларынша, жастар олардың есімін ұлықтап жүреді.
Биылғы жылы қосымша 20 көшенің атауы жаңартылмақ. Жауапты мамандар көшелерге жаңа атау беру бойынша тұрғындардың ұсыныстарына да құлақ түретіндерін жеткізді.