Ақтөбеде мүгедектерге арналған спорт кешені салынып жатыр. Нысан келер жылы тапсырылуы тиіс. Жоба құны 2,1 млрд.теңге. Мұндай кешеннің елімізде аналогы жоқ,-дейді тапсырыс берушілер.Ақтөбеде мүгедектерге лайықталған спорт зал жоқ. Олар әр жерде жаттығуға мәжбүр. Ал Ақтөбеде паралимпиада жеңімпаздары мен чемпиондар аз емес. Жақында ғана Бексұлтан Малайдар, Ерлан Сүйеуәлиевтер Бразилиядан жеңіспен оралды. Талай сайыстарда ел намысын қорғап жүрген ерекше санаттағы спортшылар үшін бұл үлкен мүмкіндік бомақ.
Мүгедектерге арнап салынып жатқан спорт кешені Батыс-2 ауданында орналасқан. Құрылысы былтыр басталды. Жалпы алаңы 4800 шаршы метр. Ішінде 200 адамға шақталған әмбебап зал, бассейн, тренажер мен теннис, күреске арналған жаттығу залдары болмақ.Ал ауласында атлеттерге арналған кәсіби жүгіру жолағы жоспарланған. Кешенде бір мезетте 1500- ге жуық спортшы жаттыға алады. Ал Әуе қалашығы ауданында орналасқан үстел теннисі орталығы биыл қыркүйек айында дайын болады. Құрылыспен айналысып жатқан мердігер компания өкілі өңір басшысын осылай деп сендірді. Жобаның жалпы құны 2 млрд.теңгеден асады. Ақша бөлінді. Құрылыс материалдары жеткізілді. Жұмыс күні-түні жүріп жатыр. Екі айдан соң мұнда балалар тегін үйірмелерге қатыса алады. Бюджеттен ақша бөлінді. Құрылыс уақытылы әрі сапалы жүргізілуі тиіс. Қос нысанды аралаған аймақ басшысы мамандарына қадағалауды тапсырды. Біреуі биыл күзде дайын болса, екіншісінің құрылысы келер жылға дейін созылады. Екі нысан да халық игіліне салынып жатыр. Ал ғимараттардың алдына автотұрақ салып, жолды реттеу, абаттандыру мәселесі кейін қаралмақ.